Ekologiya vazirligi SHahram G'iyosovning ayiq bilan mashg'ulotiga rasmiy munosabat bildirdi

Bu holat ijtimoiy tarmoq foydalanuvchilarining etirozlariga sabab bo'ldi. Ayni damda Ekologiya, atrof-muhitni muhofaza qilish va iqlim o'zgarishi vazirligi tomonidan holat o'rganilmoqda. O'rganish natijalariga ko'ra batafsil malumot beriladi va huquqbuzarlarga nisbatan qonuniy tartibda chora ko'riladi, deyiladi Vazirlik rasmiy bayonotida.

Malumot uchun, O'zbekiston Respublikasi Vazirlar Mahkamasining “Yovvoyi hayvonlarni saqlash tartibini takomillashtirish chora-tadbirlari to'g'risida”gi qaroriga ko'ra, 2025 yil 1 yanvardan jismoniy shaxslar tomonidan yarim erkin sharoitlarda, suniy yaratilgan yashash muhitida yoki tutqunlikda saqlanishi taqiqlangan yovvoyi hayvonlar ro'yxati tasdiqlangan. Ushbu ro'yxatga ayiqlarning barcha turi kiritilgan. Yani, boshqa hayvonlar qatori ayiqlarni ham davlat va mobil cirklarida (shapitolar) saqlash hamda ulardan cirk tomoshalarini o'tkazish maqsadlarida foydalanish taqiqlanadi.

Unutmang! Ekologiya vazirligi hayvonlarga nisbatan har qanday shafqatsiz munosabatni qoralaydi va bu kabi holatlar qonunga ko'ra javobgarlikka sabab bo'lishini yana bir bor eslatib o'tadi, - deya yakun yasalgan Vazirlikning rasmiy bayonotida.