18 fev 18:19
Yangiliklar

Sport kurashlari

Elmurat Tasmuradov 5 karra Osiyo chempioni!

Hindistonda sport kurashlari bo'yicha Osiyo chempionati o'tkazilmoqda.

Avvalroq, yunon-rum kurashi bo'yicha -63 kg vazn toifasida yurtimiz sharafini himoya qilayotgan Elmurat Tasmuradov finalgacha etib kelgani haqida xabar qilgandik.

Hozirgina hamyurtimiz musobaqadagi final jangini o'tkazdi. Janubiy Koreya terma jamoasi vakili Jinseub Songga qarshi jangda Tasmuradov 9:0 hisobida g'alaba qozondi va oltin medalni qo'lga kiritdi.

Ushbu medal orqali Elmurat Tasmuradov faoliyatida beshinchi marotaba Osiyo chempionati g'olibiga aylandi.

Eslatib o'tamiz, avvalroq -55 kg vaznli sportchimiz Jasurbek Ortiqboev kumush medalga sazovor bo'lgandi.