Elnur Abduraimov jangiga oid kutilmagan xabar + FOTO

"Mir Boksa" promouterlik kompaniyasi mijozi bo'lgan Elnur Abduraimov (10-0, 9 KO) Meksikaning Mexikali shahrida tashkil etilgan boks oqshomida mezbonlar vakili Kristian Belmaga qarshi ringga ko'tarilishi lozim edi.

Afsuski, jangga bir necha soat qolgan bir paytda meksikalik charm qo'lqop ustasi jarohat olgani malum bo'ldi va buning natijasida bahs bekor qilindi. Kristian faoliyati davomida 19 g'alaba (7 nokaut), 4 mag'lubiyat, 2 durang natija qayd etgandi.  

"Assalomu alaykum, aziz yurtdoshlar! Jangimga oz vaqt qolganida, raqibim jarohat olgani tufayli jangim qoldirildi. Nima bo'lsa ham o'z sababi bor. Barchasi Allohimning izni bilandir. Alhamdulillah, qo'llab-quvvatlaganingiz uchun barchangizga rahmat. In SHa Alloh keyingi jangimda sizlarni quvontiraman", - deya vaziyatga izoh berdi Abduraimov.