Elnur Abduraimovning navbatdagi jangiga 2 kun qoldi

"Mir Boksa" promouterlik kompaniyasi mijozi bo'lgan Elnur Abduraimov (10-0, 9 KO) Meksikaning Mexikali shahrida tashkil etiladigan boks oqshomida mezbonlar vakili Kristian Belmaga qarshi ringga ko'tariladi.

Meksikalik prof boksdagi faoliyati davomida 19 g'alaba (7 nokaut), 4 mag'lubiyat, 2 durang natija qayd etgan. Ushbu jang sakkiz raundga mo'ljallangan. 

Eslatib o'tamiz, 28 yoshli bokschimiz shu yilning iyul oyida AQSHda meksikalik Leonel Morenoni birinchi raunddayoq nokautga uchratib, vakant bo'lgan engil vazn toifasidagi IBF SHimoliy Amerika kamarini qo'lga kiritgan edi.

"Assalomu alaykum hammaga. Alhamdulillah o'zimni juda yaxshi his qilyapman, In sha Alloh shu hafta oxirida sizlarni yana bir g'alaba bilan xursand etish uchun bor kuchim bilan harakat qilaman", - dedi Abduraimov.