Engilmas Movsar Evloevning raqibi tasdiqlandi – jang 5 raundga mo'ljallangan!

U 26 iyul kuni BAA poytaxti Abu-Dabi shahrida o'tkaziladigan UFC on ABC 9 turniri doirasida UFC debyutanti Aaron Pikoga qarshi oktagonga ko'tariladi. Yarimengil vazn toifasi vakillari o'rtasidagi ushbu to'qnashuv besh raunddan iborat bo'lib, turnirning co-main event jangiga aylanadi. Movsar g'alaba qozongan taqdirda, yarimengil vazn chempionlik kamari uchun davogar aylanishi mumkin.  

Malumot uchun, 31 yoshli Movsar Evloev o'tgan yilning dekabr oyida UFC`dagi ketma-ket to'qqizinchi g'alabasini qo'lga kiritgandi. O'shanda u Aljameyn Sterlingni ochkolar hisobiga ko'ra mag'lubiyatga uchratgandi. 28 yoshli Aaron Piko esa uchta g'alabali seriya bilan kelmoqda. Oxirgi jangini o'tgan yilning fevral oyida PFL va Bellator ligalarining qo'shma turnirida Genri Korralesga qarshi o'tkazib, raqibidan texnik nokaut evaziga ustun kelgandi.