Entoni Joshua shifoxonadan chiqdi

Joshua engil jarohat olib, kuzatuv uchun shifoxonaga etkazilgandi. Kecha tushdan keyin shifokorlar uni uyda davolanishga ruxsat berishdi. Avariya dushanba kuni Nigeriyaning eng gavjum yo'llaridan birida sodir bo'lgandi. Kecha kechqurun marhumlarning jasadlari Buyuk Britaniyaga jo'natildi. 

"Bokschining jismoniy murabbiyi Sayna Gami va shaxsiy murabbiy Kevin Ayodele halok bo'ldi. Entoni va uning onasi bugun kechqurun vataniga qaytishga tayyorlanayotgan ikki marhum do'stiga so'nggi hurmat bajo keltirish uchun tushlik vaqtida Lagosdagi dafn etish uyiga tashrif buyurishdi", deb xabar berdi Lagos shtati rasmiy vakili Gbenga Omotoso.

Joshuaning jarohat tashxislari hali ham nomalum, shuningdek, ushbu baxtsiz hodisa va ikki do'stini yo'qotish uning keyingi yil bahorida jang o'tkazish rejalariga qanday tasir qilishi ham malum emas.

Nigeriya policiyasining malum qilishicha, Joshua va uning ikki do'sti bo'lgan avtomobil haydovchisi ham kasalxonadan chiqqan va hodisa tafsilotlari bo'yicha ko'rsatma bermoqda. To'qnashuv sodir bo'lgan to'xtab turgan yuk mashinasi haydovchisi voqea joyini tark etgan va hozirda policiya uni qidirmoqda.