Erkin kurash. Abdurahmonovdan ishonchli g'alaba, Ixtiyor esa...

Bugun uch nafar sportchimiz o'z vazn toifalarida bo'lib o'tadigan janglarda gilamga chiqishi haqida xabar qilgandik.

-70 kg vazn toifasida jang qiladigan kurashchimiz, Rio Olimpiadasi sovrindori Ixtiyor Navro'zov ilk jangida italiyalik Frank Markesga 5:9 hisobida imkoniyatni boy berib qo'ydi.

-74 kg vazn toifasidagi sportchimiz Bekzod Abdurahmonov esa gruziyalik Jumber Kvelashvilini 10:0 hisobida mag'lubiyatga uchratib, 1/8 finalga yo'l oldi. Endi u chorak finalga chiqish uchun germaniyalik Osman Sakichiga qarshi jang qiladi.

-97 kg vazn toifasidagi boshqa bir sportchimiz Magomed Ibragimov esa bahslarga 1/8 finaldan qo'shiladi. Hozircha uning raqibi nomalum.