22 okt 09:04
Yangiliklar
Sport kurashlari
Erkin kurash. O'zbekiston Kubogida g'oliblar aniqlandi
Poytaxtimiz mezbonlik qilgan sport kurashlari bo'yicha O'zbekiston Kubogida erkin kurash yo'nalishida g'olib va sovrindorlar nomi malum bo'ldi.
Bu haqda O'zbekiston sport kurashlari associaciyasi matbuot xizmati xabar bermoqda. Kecha o'tkazilgan 57, 65, 74 hamda 97 kg vazn toifalarida g'oliblik uchun asosiy davogar hisoblangan polvonlar zafar quchishdi.
57 kg vazn toifasida Osiyo chempioni, yoshlar o'rtasida shu yilgi jahon chempionati bronza medali sovrindori G'ulomjon Abdullaev shoxsupaning eng yuqori pog'onasiga ko'tarildi.
65 kg vaznda g'oliblik sirdaryolik Muhammadkarim Usmonovga nasib etdi. 74 kg vazn toifasida ikki karra Osiyo chempioni, 2013 yilgi jahon chempionati sovrindori Osiyo o'yinlari-2014 g'olibi Rashid Qurbonov zafar quchdi. 97 kg vaznda Bahodir Aslonov mamlakat kubogi sohibiga aylandi.
Havola :
Fikrlar