Erkin kurashchilarimiz jahon chempionatida qatnashish uchun Parijga uchib ketdilar

Sport mavsumining eng nufuzli musobaqasida terma jamoamizning 11 nafar azosi ham ishtirok etmoqda. 18 avgust kuni delegaciyamizning birinchi qismi, aniqrog'i, yunon-rum kurashi bo'yicha terma jamoamiz Franciyaga jo'nab ketgandi.

Bugun erkin kurash bo'yicha terma jamoamiz ham Parijga yo'l oldi. Olimjon Hikmatov va Aleksandr Nedorezov boshchiligidagi terma jamoamiz tarkibida Nodirjon Safarov (57 kg.), Ixtiyor Navro'zov (70 kg.), Bekzod Abdurahmonov (74 kg.), Umidjon Ismanov (86 kg.), Magomed Ibragimov (97 kg.) hamda David Modzmanashvili (125 kg.) yurtimiz sharafini himoya qilishadi.

Bekzod Abdurahmonov Franciyaga 15 avgustda etib borgandi va mashg'ulotlarni o'sha erda davom ettirmoqda. David Modzmanashvili esa Gruziyada tashkil etilgan o'quv-mashg'ulot yig'inlarini yakunlab, to'g'ri Parijga uchadi. Terma jamoamizning qolgan to'rt nafar azosi – Nodirjon Safarov, Ixtiyor Navro'zov, Umidjon Ismanov va Magomed Ibragimov bugun Toshkent-Parij yo'nalishi bo'yicha jahon chempionatiga jo'nab ketishdi.

Erkin kurash bo'yicha musobaqalar 24 avgustdan boshlanadi. Ungacha esa jahon chempionatida yunon-rum kurashi bo'yicha bahslar o'tkaziladi. Biz hamyurtlarimizga omad va muvaffaqiyatlar tilagan holda voqealar rivojini kuzatib boramiz.