Erkin kurashchilarimiz Kislovodsk yig'inini yakunlashdi

Uch hafta davom etgan ushbu xorij yig'inida kurashchilarimizdan tashqari Ozarbayjon va Turkiya terma jamoalari ham ishtirok etdi. Qo'shma xorij yig'inining so'nggi uch kunida bu uch mamlakat sportchilari safiga Rossiya terma jamoasining asosiy tarkibi ham qo'shildi. 

Kislovodsk yig'ini O'zbekiston erkin kurash terma jamoasiga hali manzili va muddati  nomalum bo'lgan Tokio-2020 Olimpiadasining Osiyo licenzion turniri uchun tayyorgarlik bosqich vazifasini o'tab berdi. 

Eslatib o'tamiz, aslida Osiyo licenzion turniri Xitoyda o'tkazilishi lozim edi. CHin yurtidan tarqalgan koronavirus sabab bu musobaqa bekor qilindi. Keyin ushbu licenzion turnir mezbonligi Bishkek shahriga topshirildi. Ammo, Qirg'iziston hukumati koronavirus xavfi sabab mamlakatdagi barcha ommaviy tadbirlar, xususan sport kurashlari bo'yicha Osiyo licenzion turniridan ham voz kechdi. Tez kunda musobaqaning yangi manzili va muddatiga oydinlik kiritiladi. 

Kislovodsk yig'inida qatnashgan tarkib:

-57 kg: Mahmudjon SHavkatov

-57 kg: Umidjon Jalolov

-57 kg: G'ulomjon Abdullaev

-65 kg: Sirojiddin Hasanov

-70 kg: Ramazon Ibodov

-86 kg: Rashid Qurbonov

-86 kg: Javrail SHapiev

-86 kg: Rustam SHodiev 

-92 kg: Aziz Soliev

125 kg: Amirjon Nutfullaev

125 kg: Dilmuhammad Nurmuhammedov

Murabbiylar - Olimjon Hikmatov, Abdurauf Bozorboev, Latif Xalimov

SHifokor - Ulug'bek To'raboev