Erkin kurashchilarimiz Osiyo chempionatidan qaytishdi

Musobaqaning oxirgi ikki kuni erkin kurash musobaqasi o'tkazilib, unda Olimjon Hikmatov va Abdurauf Bozorboev murabbiyligidagi erkin kurashchilarimiz 1 ta oltin, 1 ta kumush, 2 ta bronza medali bilan umumjamoa hisobida Eron, Hindiston va Qozog'iston terma jamoalaridan so'ng to'rtinchi o'rinni egallagandi.

Hozirgina erkin kurash bo'yicha O'zbekiston terma jamoasi delegaciyasi Olmaota shahridan yurtimizga qaytib keldi. Islom Karimov nomidagi Toshkent xalqaro aeroportida kurashchilarimizni O'zbekiston sport kurashlari associaciyasi mutasaddilari kutib olishdi.     

Takidlash joiz, Osiyo chempionatida terma jamoamizning asosan ikkinchi tarkibi ishtirok etdi. Jamoamizga Osiyo chempionatidagi yagona oltin medalni 61 kg vazn toifasidagi erkin kurashchimiz Jahongirmirzo Turobov taqdim etdi. Sirojiddin Hasanov (70 kg) kumush medalni qo'lga kiritgan bo'lsa, Rio Olimpiadasining bronza medali sovrindori Ixtiyor Navro'zov (74 kg) va Nodirjon Safarov (57 kg) Osiyo chempionatining bronza medaliga ega chiqishdi.