10 mar 21:25
Yangiliklar

Sport kurashlari

Erkin kurashchilarimiz "Yangiobod"da mashg'ulot o'tkazishyapti FOTOREPORTAJ

Olim Hikmatov, Abdurauf Bozorboev murabbiyligidagi erkin kurash bo'yicha O'zbekiston terma jamoasi Toshkent viloyatining Angren shaharchasida joylashgan "Yangiobod" bazasida o'quv-mashg'ulot yig'ini o'tkazyapti.

Ushbu yig'in 20 martga qadar davom etib, 9-11 aprel kunlari Qozog'istonning Almati shahrida o'tkaziladigan Tokio Olimpiadasi uchun Osiyo licenzion turniriga tayyorgarlik bosqich vazifasini o'tab bermoqda. Kuniga ikki mahaldan o'tkazilayotgan mashg'ulotlarda terma jamoamizning yaqinda Ukrainadagi xalqaro turnirda qatnashgan tarkibi ishtirok etishyapti.

Mashg'ulotlarda asosiy etibor kross-yugurish, jismoniy tayyorgarlik, trenajyor zalida ishlash hamda sparringlarga qaratilmoqda. Tokio Olimpiadasiga yo'llanmalarni taqdim etuvchi so'nggi licenzion musobaqa esa 6-9 may kunlari Bolgariya poytaxti Sofiya shahrida o'tkaziladi. Jahon licenzion turnirida barcha qita kurashchilari so'nggi imkoniyatdan foydalanadi.