03 apr 07:37
Yangiliklar

Sport kurashlari

Erkin kurashchilarimizning Tallindagi muvaffaqiyati

Estoniyaning Tallin shahrida sport kurashlari bo'yicha yoshlar o'rtasida “TALLINN OPEN – 2019” xalqaro musobaqasi bo'lib o'tmoqda.

Mazkur turnirda 28 mamlakatdan 2000dan ortiq yosh kurashchilar qatnashmoqda. Ayni paytga kelib, erkin kurash yo'nalishida barcha g'olib va sovrindorlar nomi aniqlab olindi. Erkin kurash bo'yicha terma jamoamiz vakillari yakunda 4 ta oltin, 1 ta kumush va 2 ta bronza medallarini jamg'arishdi.

Hamyurtlarimizdan Abbos Qobilov, Asomiddin Hasanov, Hojixon Karimov, Asadbek Karimov o'z vazn toifalarida barcha raqiblarini mag'lub etishgan bo'lsa, Namoz Abdurashidov kumush medal bilan taqdirlandi. Amirxon Karimov hamda Sohib Hasanboev esa bronza medalini qo'lga kiritishdi.