15 dek 10:14
Yangiliklar

Sport kurashlari

Erkin kurashchilarimizning "Yangiobod"dagi mashg'uloti davom etadi FOTOREPORTAJ

SHu kunlarda Olim Hikmatov, Abdurauf Bozorboev murabbiyligidagi erkin kurashchilarimiz Toshkent viloyatining Angren shaharchasida joylashgan "Yangiobod" bazasida o'quv-mashg'ulot yig'ini o'tkazishyapti.

Ushbu yig'in 24 dekabrga qadar davom etib, fevral oyida Qozog'istonda o'tkazilishi rejalashtirilayotgan Osiyo chempionatiga tayyorgarlik bosqich vazifasini o'tab bermoqda. Kuni ikki mahaldan o'tkazilayotgan mashg'ulotlarda terma jamoamizning birinchi va ikkinchi raqamli kurashchilari ishtirok etishyapti.

Tarkibdan Rio-2016 Olimpiadasi sovrindori Ixtiyor Navro'zov, jahon chempionati sovrindori, Osiyo o'yinlarining ikki karra g'olibi Bekzod Abdurahmonov singari tajribali erkin kurashchilarimiz bor.

Rashid Qurbonov ayni kunlarda Serbiyada o'tkazilayotgan shaxsiy hisobdagi jahon Kubogida yurtimiz sharafini himoya qilyapti. Ilyas Bekbulatov, Isa SHapiev, Magomed Ibragimov kabi tajribali kurashchilarimiz esa Kabardino-Balkariyada terma jamoamizning maslahatchi murabbiyi Ali Ahmedov boshchiligida mashg'ulot o'tkazishmoqda.