29 iyu 20:51
Yangiliklar

Sport kurashlari

Erkin kurashchimiz Jahon chempionatining finalida!

Xabar berganimizdek, Bolgariya poytaxti Sofiya shahrida sport kurashlari (erkin, yunon-rum va ayollar kurashi) bo'yicha o'smirlar o'rtasida jahon chempionati bo'lib o'tmoqda.

Quvonarlisi, -48 kg vazn toifasida yurtimiz sharafini himoya qilayotgan Kamronbek Qadamov hozirgina yakuniga etgan yarim final uchrashuvida g'alaba qozondi. Kamronbek hindistonlik kurashchi Udit Uditni 4:2 hisobida engdi.

Qadamovning finaldagi raqibi Rahmon Musa Amouzadhalili bo'ladi. Eronlik bu erkin kurashchi yarim final bellashuvida AQSH vakili Stevo Ross Poulindan ustun keldi.

Eslatib o'tamiz, Kamronbek Qadamov yarim finalga qadar mo'g'ulistonlik Otgonbaatar Boldbaatarni 11:0, ozarbayjonlik Javid Javadovni 8:4 hisobida mag'lub etgan edi.