Erkin va yunon-rum kurashchilarimiz uchun o'quv-seminar o'tkazildi + FOTO

To'rt yillikning eng nufuzli musobaqasi bo'lgan ushbu ikki sport tadbirida mamlakatimiz sharafini yanada yuksaltirishga intilayotgan sportchilarimiz uchun keng imkoniyat, qulay sharoitlar yaratilmoqda. 

O'zbekiston Respublikasi Prezidentining ushbu yirik musobaqalarda sportchilarimizning har tomonlama tayyorgarligi va muvaffaqiyatli ishtirokini taminlash, Olimpiya va Paralimpiya harakatlarini yanada rivojlantirish maqsadida joriy yilning 25 iyun kuni “2021 yilda Tokio shahrida (Yaponiya) bo'lib o'tadigan XXXII yozgi olimpiya va XVI paralimpiya o'yinlarida O'zbekiston sport delegaciyasining ishtirokini taminlash hamda olimpiya sport turlarini yanada rivojlantirish chora-tadbirlari to'g'risida”gi qarorni imzolangan edi.

Mazkur qaror ijrosini taminlash maqsadida O'zbekiston Milliy antidoping agentligi ham sportchilar tomonidan antidoping qoidalariga qatiy rioya qilinishi ustidan samarali nazoratni amalga oshirgan holda o'quv-seminarlar o'tkazib kelmoqda.

Kuni kecha agentlik xodimlari Toshkent viloyati Angren shaharchasida joydashgan "Yangiobod" baxasida mashg'ulot o'tkazayotgan erkin va yunon-rum kurashchilar bilan uchrashuv o'tkazishdi.

Unda agentlikning Doping sinovlarini rejalashtirish va terapevtik istisnolar bo'limi hamda Antidoping qoidabuzarliklar va ADAMS monitoringi bo'limi xodimlari tomonidan sportchilar, murabbiylar va sport shifokorlari uchun antidoping o'quv-seminarlari o'tkazilib, dopingga qarshi kurashga oid turli qo'llanma materiallar taqdim etildi.