Ertaga Andijonda prof boks kechasi o'tkaziladi, bugun esa tarozi marosimi (to'liq kard)

Promouter Sardorbek Razzoqov tomonidan o'tkazilayotgan boks oqshomiga Andijon olimpiya va paralimpiya sport turlariga tayyorlash markazi arenasi mezbonlik qiladi. Pro Boxing Night 4 oqshomidan jami 10 ta jang o'rin olgan. Asosiy jang Ulug'bek Sobirov (12-3-0) hamda Qobiljon Bobojonov o'rtasida o'tkaziladi. Ushbu jang 10 raund etib belgilangan. Bugun bokschilar tarozidan o'tish marosimida ishtirok etishadi. 

Eslatib o'tamiz, Ulug'bek Sobirov 11 noyabr kuni Rossiyaning Ekaterinburg shahrida o'tkazilgan RCC Boxing professional boks oqshomining markaziy jangida rossiyalik taniqli bokschi Vadim Tukov (13-0-0)ga qarshi ringga chiqqan edi. O'shanda 10 raund to'liq davom etgan jangda 95:95, 96:94, 96:94 hisoblarida Tukov g'alaba qozongandi. Bobojonov esa o'z vaqtida SHahram G'iyosovga qarshi jang o'tkazgan.

Andijondagi boks oqshomining to'liq kardi:

1. Davronbek Hayitaliev - Pahlavon Nazirjonov (yarimo'rta vazn, 4 raundlik jang)

2. Abduvali Bo'riboev - Jamoliddin Arabov (superengil vazn, 4 raundlik jang)

3. Umidillo Abdurasulov - Samandarbek Abdunosirov (yarimo'rta vazn, 4 raundlik jang)

4. Sardorbek G'aniev - Muhammadamin Kozimov (superengil vazn, 4 raundlik jang)

5. Asilbek Mahamadjonov - Muhammadali Azimjonov (yarimo'rta vazn, 4 raundlik jang)

6. Asadbek Tursunov - SHoyadbek Xoldarov (yarimog'ir vazn, 4 raundlik jang)

7. Jamshidbek Tojiboev - Husanboy Mirkomilov (supero'rta vazn, 6 raundlik jang)   

8. Nodirbek Soyibov - Asrorbek Abdumannobov (cuperengil vazn, 6 raundlik jang)   

9. Abdulaziz Abdupattaev - Abdusaid Fozilov (supero'rta vazn, 6 raundlik jang)   

10. Ulug'bek Sobirov - Qobiljon Bobojonov (o'rta vazn, 10 raundlik jang)