Ertaga kattalar o'rtasidagi O'zbekiston chempionati boshlanadi

"Universal" sport majmuasida o'tkaziladigan mamlakat chempionatida Qoraqalpog'iston Respublikasi, barcha viloyatlar hamda Toshkent shahridan jami 500 nafarga yaqin saralangan dzyudochilar tatamiga chiqadi. Bugun kunning ikkinchi yarmida O'zbekiston chempionatiga qura tashlash hamda ilk kungi bellashuvlarda tatamiga chiqadigan dzyudochilarni tarozidan o'tkazish marosimi bo'lib o'tadi.   

Kecha esa chempionat bellashuvlarida hakamlik qiladigan referilar uchun seminar tashkil etildi. Uni xalqaro toifadagi IJF referilari - Ramziddin Saidov va Vyacheslav Pereteyko olib borishdi. 

Darvoqe, musobaqa kunlari paradzyudo bo'yicha ham O'zbekiston chempionati o'tkaziladi. Saralash bahslari har kuni soat 10:00da, soat 17:00da esa medallar uchun final bellashuvlari boshlanadi. 

Musobaqa dasturi: 

4 dekabr ("Universal" sport saroyi)

Erkaklar (dzyudo): -60, -66 kg. Ayollar: -48, -52, -57 kg 

Erkaklar (para-dzyudo): -60, -66 kg. Ayollar (para-dzyudo): -48, -52 kg 

5 dekabr ("Universal" sport saroyi)

Erkaklar (dzyudo): -73, -81, -90 kg. Ayollar: -63, -70 kg 

Erkaklar (para-dzyudo): -73, -81, -90 kg. Ayollar (para-dzyudo): -57, -63 kg  

6 dekabr ("Universal" sport saroyi)

Erkaklar (dzyudo): -100, +100 kg. Ayollar: -78, +78 kg 

Erkaklar (para-dzyudo): -100, +100 kg. Ayollar (para-dzyudo): -70, +70 kg