27 sen 17:23
Yangiliklar
Boshqalar, Osiyo o'yinlari
Ertaga O'zbekistonning taniqli kibersportchisi "Yakudza" Osiyo o'yinlaridagi ishtirokini boshlaydi
28 sentyabr kuni Xanchjou-2022 Osiyo o'yinlarining beshinchi kunidan o'rin olgan bellashuvlar o'tkaziladi.
Ertaga kibersportning Peace Elite o'yini bo'yicha musobaqalar tashkil etiladi. Unda O'zbekiston terma jamoasi ham ishtirok etadi.
Ahamiyatlisi, terma jamoamiz tarkibida taniqli kibersportchimiz SHohruz "Yakudza" Nazarov ham bor. Yakudza PUBG o'yini bo'yicha taniqli strimer hisoblanib, uning Instagram'dagi obunachalari soni 500 000 dan ziyoddir.
SHohruz "Yakudza"dan tashqari terma jamoamiz tarkibida Diyorjon Abdumalikov, Jamoliddin Turg'unov hamda Rikardo SHarofiddinov g'oliblik uchun kurash olib boradi.
Malumot uchun, ertaga termamizga Iordaniya, Gongkong va Laos raqiblik qiladi.
Havola :
Manba : olamsport.com
Fikrlar