22 noy 13:35
Yangiliklar

Sport kurashlari

Ertaga Samarqandda erkin va yunon-rum kurashi bo'yicha O'zbekiston chempionati start oladi

23-26 noyabr kunlari qo'hna va hamisha navqiron Samarqand shahri erkin va yunon-rum kurashi bo'yicha yoshlar o'rtasidagi O'zbekiston chempionatiga mezbonlik qiladi.

Musobaqada Qoraqalpog'iston Respublikasi, barcha viloyatlar hamda Toshkent shahridan kelgan 2002-2004 yillarda tavallud topgan sport kurashi vakillari to'rt kun davomida mamlakat chempionligi uchun gilamga chiqadilar.

Bugun hakamlar va murabbiylar uchun seminar o'tkaziladi. Ertaga va indinga yunon-rum kurashi, 25-26 noyabr kunlari esa erkin kurash bo'yicha bellashuvlar tashkil etiladi. Ertaga klassiklar 55, 63, 77, 87 va 130 kg vazn toifalarida saralash bahslari o'tkaziladi.