European Open. Birinchi kun 2 ta medal qo'lga kiritildi

European Open 2022 musobaqasida dunyoning 37 davlatidan kelgan dzyudochilar medallar uchun tatamiga chiqishyapti. Ular orasida O'zbekiston ayollar terma jamoasining 6 nafar vakilasi ham bor. 

Birinchi kungi bellashuvlarda hamyurtlarimizdan Sita Kadambaeva (-52 kg) va Nilufar Ermaganbetova (-57 kg) terma jamoamizga bronza medallarini taqdim etishdi. Sita bronza medali uchun kechgan bellashuvda britaniyalik Sian Bobrovskani, Nilufar esa JAR vakilasi Jasmin Martinni mag'lubiyatga uchratdi. 

Biroz kutilmaganda, birinchi kungi bellashuvlardan so'ng Turkmaniston terma jamoasi 2 ta oltin medal bilan umumjamoa hisobida birinchi o'rinni egallab turibdi. Bittadan oltin va kumush medalga ega Franciya hamda SHveycariya terma jamoalari kuchli uchlikka yakun yasashgan.