Evgeniy SHaronov: “O'zbekiston jamoalari jahon ligalarida o'z o'rni va mavqeiga ega bo'ladi”

Martabali mehmon Namangan shahrida suv polosi bo'yicha boshlangan O'zbekiston chempionatida bevosita ishtirok etdi va yurtimizga tashrifdan ko'zlangan maqsad hamda mamlakatimizda suv polosini rivojlantirish borasida amalga oshirilayotgan say-harakatlar borasida Respublika suzish federaciyasi matbuot xizmatiga quyidagi fikrlarni bildirdi.

- Avvalo menga ko'rsatilgan hurmat va etibor uchun O'zbekiston turizm va sport vazirligi, Milliy olimpiya qo'mitasi va Respublika suzish federaciyasi rahbariyatiga minnatdorlik bildiraman. Namangan shahrida boshlangan O'zbekiston chempionatining ochilish marosimida bevosita ishtirok etdim. Bu erga kelishimdan avval Namangan suzish havzasining bazasi haqida ko'p iliq fikrlarni eshitgandim. Bugun bunga o'zim ham guvoh bo'ldim. Ochig'i, bu erda yaratilgan sharoitlar, sportchi va murabbiylarning kayfiyati, maqsad sari intiluvchanliklari menga juda maqul bo'ldi. 

- O'zbekistonga tashrifingiz davomida qanday masalalarni muhokama qilish rejalashtirilgan?

Birinchi navbatda o'zaro hamkorlik rishtalarini yangi bosqichga olib chiqishni maqsad qilganmiz. Bu borada qator kelishuvlarni amalga oshirishni rejalashtirilgan. Jumladan, sportchi va murabbiylar, shuningdek, hakamlar uchun maxsus seminarlar, mahorat saboqlari tashkil qilinadi. SHu bilan birga EvroOsiyo ligasini tashkil qilish rejalashtirilgan. Ishonamanki, bu muvaffaqiyatli loyiha bo'ladi. Mazkur musobaqa suv polosini yanada taraqqiy etishiga va ishtirokchilarning mahoratini yanada toblanishiga xizmat qilishiga ishonaman. 

- O'zbekistonda suv polosi maktabining istiqbollari haqida nimalarni aytgan bo'lardingiz.

- Malumki, O'zbekiston suv polosi maktabi yorqin tarixga ega. Bugungi kunda ham ana shu ananalarni davom ettirish borasida katta xajmda ish olib borilayotgan yaqqol ko'zga tashlanmoqda. Asosiysi, maqsad sari intilish kuchli.  Bu esa juda muhim va bu harakatlar o'z so'zini aytmay qolmaydi. SHuni ishonch bilan aytishim mumkinki, yaqin kelajakda O'zbekiston jamoalari jahon ligalarida o'z o'rni va mavqeiga ega bo'lishadi. Men bunga ishonaman va bu yo'lda ularga omad va zafarlar tilab qolaman.