Evropa yaqin vaqt ichida taekvondochilar uchun Olimpiada saralashini tashkil eta olmaydi

Tadbir koronavirus pandemiyasi sabab ikki marta qoldirildi va hozircha yangi sana va joy tasdiqlanmagan.

Avvaliga Italiyaning Milan shahri 17-19 aprel kunlari mezbon sifatida maydonga tushishi kerak edi, ammo keyinroq saralash Rossiya poytaxti Moskvada o'tishi elon qilindi. Ushbu musobaqa 16-18 aprel kunlariga belgilandi, ammo qayta tashkil etilgan tadbir ham to'xtatildi. Keyinroq Tokio-2020 keyingi yilga ko'chirildi. 

"2021 yilgi Olimpiada oldidan eng muhim voqea bu Evropa saralash turniri. Taekvondo Evropa uchun bu barcha azolarning Olimpiadaga kvotalar olish uchun o'zlarining jamoalarini ushbu muhim tadbirga yuborishlari eng muhimi. Hozirda COVID-19 holati tufayli ushbu tadbirni qisqa vaqt ichida tashkil etishning imkoni yo'q. Yangiliklar paydo bo'lishi bilanoq Evropa taekvondo federaciyasi bu haqda o'zining ijtimoiy sahifalari va rasmiy veb-saytida xabar beradi", - deyiladi WTE bayonotida.

Butunjahon taekvondo prezidenti CHungvon CHoy may oyida Evropa va Osiyo saralash bosqichi 2020 yilda bo'lib o'tishiga umid qilishini aytgan edi.

Osiyo qitasi saralash bahslari avval boshida Xitoyning Usi shahrida bo'lib o'tishi kerak edi. Keyinroq musobaqa Iordaniya poytaxti Ammanga ko'chirilgandi. Afrika, Okeaniya va Amerika qitalari uchun saralash bahslari bo'lib o'tgan. 

"Osiyo va Evropadagi sportchilarimizga, Siz bu yil saralashda qatnashish imkoniyatiga ega bo'lasiz degan umiddamiz", - dedi CHoy Butunjahon taekvondoning 47 yilligi munosabati bilan yo'llagan xabarida.

O'zbekiston taekvondo WT Associaciyasi matbuot xizmati