Fair Fight 16. Mavlud Tifiev ishtirokidagi jang yakunlandi + FOTO

Ushbu kikboksing oqshomida ikki hamyurtimiz SHer Mamazulunov hamda Mavlud Tifievning ham o'z janglarini o'tkazishlari haqida xabar bergan edik. Hozirgina Tifiev (43-13-2) ishtirokidagi jang yakunlandi. Hamyurtimiz rossiyalik Kyamran Nabati (11-0)ga uch raund to'liq davom etgan jang yakunida imkoniyatni boy berib qo'ydi. 

-84 kg vazn toifasida kikboksing yo'nalishida kechgan jangda hakamlar mezbon yakkakurash ustasining g'alabasini taminlashdi. Tifiev tabiiyki, natijadan noroziligini bildirdi. Nabati faoliyatidagi 11-jangidagi 11-g'alabasini tantana qildi. 

Birozdan so'ng yana bir yurtdoshimiz SHer Mamazulunov (15-6) rossiyalik yakkakurash ustasi Sergey Ponomaryovga qarshi jang o'tkazadi. Ushbu jang Fair Fight ligasining vaqtinchalik chempionlik kamari uchun kechadi.