Farg'ona viloyati chempionatida sodir bo'lgan ko'ngilsiz holat yuzasidan rasmiy bayonot

Ushbu musobaqa O'zbekiston dzyudo federaciyasi Farg'ona viloyati bo'limi va Farg'ona ixtisoslashtirilgan olimpiya zaxiralari maktab-internati rahbariyati bilan kelishilgan, Farg'ona viloyati jismoniy tarbiya va sport boshqarmasi boshlig'i tomonidan tasdiqlangan Nizom asosida tashkil etilgan edi.

Viloyat birinchiligi davomida musobaqa ishtirokchilari - 2000 yilda tug'ilgan K.T. va 2002 yilda tug'ilgan J.X. o'rtasida o'zaro nizo kelib chiqqan va buning natijasida ommaviy kelishmovchilik yuz bergan.

Hozirda ushbu xolat yuzasidan Farg'ona shahar ichki ishlar organlari faoliyatini muvofiqlashtirish boshqarmasi huzuridagi tergov bo'limi tomonidan tegishli surishtiruv ishlari olib borilmoqda.

Bugun, 16 fevral kuni O'zbekiston dzyudo federaciyasi Bosh kotibi v.v.b. B.Akramov va federaciyaning mutasaddi xodimlari hamda Farg'ona shahar ichki ishlar boshqarmasi xodimlari hamkorligida ommaviy mojaroni keltirib chiqargan shaxslar ishtirokida davra suhbati o'tkazildi.

Xuquqni muhofaza qilish organlari tomonidan yuqoridagi xolat yuzasidan surishtiruv ishlari yakunlanganidan so'ng, O'zbekiston dzyudo federaciyasi va Xalqaro dzyudo federaciyasining tartib-intizom va etika qoidalari asosida aybdorlarga sport faoliyati bilan bog'liq bo'lgan tegishli choralar ko'riladi.