Federaciya mutasaddilari Qashqadaryo dzyudosi bilan tanishishdi

Xabaringiz bor, yaqinda prezidentimiz SHavkat Mirziyoev Qashqadaryo viloyatiga tashrif buyurib, pandemiya sharoitiga qaramay, iqtisodiyotni tiklash va rivojlantirish, odamlar hayotini yaxshilash, hududlarda yangi korxonalar, turar joylar bunyod etilishi bilan yaqindan tanishgan edi. Davlatimiz rahbari tashrif doirasida viloyat sportchilari bilan ham uchrashgan, mutasaddilarga tegishli ko'rsatmalarni bergan edi.

O'zbekiston dzyudo federaciyasi maxsus ishchi guruhi viloyatdagi dzyudo sport turining bugungi ahvoli, sport zallaridagi holat bilan yaqindan tanishishdi. Viloyatning CHiroqchi, Yakkabog', SHahrisabz, Kogon, Muborak tumanlarida qo'shimcha sekciyalar ochish, mavjudlarining faoliyatini takomillashtirish, istedodlarni aniqlash maqsadida imkon qadar ko'proq viloyat miqyosidagi musobaqalarni o'tkazish taklifi berildi.

Takliflarning amaliy tasdig'i sifatida 3-5 dekabr kunlari Yakkabog' tumanida maktab yoshidagi bolalar o'rtasida musobaqa o'tkazishga kelishib olindi.    

Malumot uchun, bugungi kunda Qarshi shahrida 6 ta, Koson tumanida 4 ta, SHaxrisabzda 3 ta, Qarshi, Dehqonobod, Yakkabog', Kitob tumanlarida 2 ta, Qamashi, G'uzor, Muborak va Nishon tumanlarida 1 tadan dzyudo zallari faoliyat yuritmoqda.

Kamoliddin Rasulov, Bahrom Rajabov, Maruf Hidirov, Nodir Hurramov, Farangiz Xolmurodova singari dzyudochilar kattalar va yoshlar terma jamoasi azolari hisoblanadi.