Federaciyada hisobot-saylov konferenciyasi o'tkazildi

Tadbirda O'zbekiston Jismoniy tarbiya va sport vazirining birinchi o'rinbosari Oybek Kasimov, O'zbekiston Milliy olimpiya qo'mitasi bosh kotibi Jasur Matchanov, O'zbekiston dzyudo federaciyasi rahbariyati, viloyat federaciyalari mutasaddilari va murabbiylar ishtirok etishdi. 

Konferenciya kun tartibidan federaciya raisi hamda o'rinbosarlari, qo'mimta azolarini saylash, shuningdek, sportchilarimizning joriy yil hisobidan o'tkaziladigan nufuzli musobaqalarga tayyorgarligi kabi masalalar o'rin olgan edi. 

Yig'ilishning asosiy qismida lavozimlarga tayinlovlar bo'lib o'tdi. O'zbekiston dzyudo federaciyasi raisi Azizjon Kamilov o'z lavozimiga qayta saylandi. Federaciya bosh kotibi vazifasini vaqtincha bajarib kelayotgan Doniyor Ilxamov rasman ushbu lavozimga tasdiqlandi. 

Armen Bogdasarov, Bekzod To'raboev, Zafar Mamajonov, SHoatxam Isroilov va Bobur SHodiev federaciya raisi o'rinbosari etib tayinlandi. 

Nomlari keltirilgan rais o'rinbosarlari, shuningdek, federaciya bosh kotibi Doniyor Ilxamov, hakamlar qo'mitasi raisi Nag'monjon Mirzarahmonov, milliy terma jamoa bosh murabbiyi Farhod To'raev, rais yordamchisi Ulug'bek Buxarov, xalqaro toifadagi hakamlar Vyacheslav Pereteyko va Ramziddin Saidov O'zbekiston dzyudo federaciyasi ijroiya qo'mitasi azoligiga saylanishdi. 

Konferenciyada so'zga chiqqan Farhod To'raev terma jamoamiz dzyudochilarining yaqindagina BAAda o'tgan Osiyo chempionati hamda boshqa licenzion musobaqalardagi ishtiroki, shu yil dzyudo vatani - Yaponiya mezbonlik qiladigan jahon chempionatiga tayyorgarligi xususida malumot berdi. 

Takidlash joiz, Abu-Dabi shahrida o'tgan Osiyo chempionatida O'zbekiston terma jamoasi 1 ta oltin, 2 ta kumush, 2 ta bronza medalini qo'lga kiritgan holda Osiyo va Okeaniyaning 40 ishtirokchi davlati orasida 6-o'rinni band etgan edi.