Fedor Emelyanenkodan kaltak egan olti nafar UFC chempioni

Bugun «So'nggi Imperator»ning UFC chempionligini qo'lga kiritgan olti nafar aralash qoidalar jangchilarini «kaltaklagan» janglarini esga olamiz.

1 - Antoniu Rodrigu Nogeyra

Nogeyra 2008 yilda UFC kamarini qo'lga kiritgan. Fedor bilan esa 2003 va 2004 yillarda ikki marta jang qilgan. Ikkala bahsda ham «So'nggi Imperator» hakamlarning qarori bilan g'alaba qozongan.

2 - Mark Koulman

Mark Koulman- MMA afsonalaridan biri. U 1997 yilda UFC chempionligini qo'lga kiritgan. Mark va Fedor yaqin do'stlar hisoblanishadi. SHunday bo'lsada ular ikki bor oktagonda bir-biriga qarshi jang olib borganlar. Birinchi jang 2004 yilda tashkil qilingan bo'lib, unda Fedor raqibini birinchi raunddayoq qo'l tirsagi usuli bilan mag'lub etgan. Ikkinchi jang esa, 2006 yilda bo'lib o'tadi. Bu jangda ham Emelyanenko 2 raundda og'rituvchi usul bilan raqibini taslim qiladi.

3 - Kevin Rendlmen

Kevin Rendlmen 1999 yilda UFC chempioni bo'ladi. Fedor va Kevin jangi 2004 yilda o'tkaziladi. Bu jang Fedorning faoliyati davomidagi eng hayajonli jang bo'ladi. To'qnashuvning dastlabki qismida Kevin Fedorni dahshatli usul bilan otib yuborishga erishadi, lekin Fedor hech qanday jarohat olmaydi. Bu usuldan keyin «So'nggi Imperator»ga raqibini mag'lub etishga bir necha daqiqa kifoya qildi.

4 - Tim Silviya

Silviya 2006 yilda UFC chempionligini qo'lga kiritgan. Fedor u bilan 2008 yilda ro'para keladi. Jangning dastlabki daqiqalaridanoq Fedor raqibiga kuchli zarbalar yo'llab, uni bo'g'uvchi usul bilan tutib oladi. SHu tariqa, Timni mag'lub etish uchun Emelyanenkoga bor-yo'g'i 36 soniya etarli bo'ladi.

5 - Andrey Orlovskiy

Andrey UFC kamarini 2005 yilda qo'lga kiritgan. «Pitbull» va «So'nggi Imperator» o'rtasidagi jang 2009 yilda tashkil qilinadi. Bahs birinchi raundning boshida Orlovskiy Fedorni bir nechta kuchli zarbalar bilan «siylagan», lekin Emelyanenko taslim bo'lishni hayoliga ham keltirmaydi. SHundan so'ng Fedor qarshi hujumga o'tib, o'n qo'li bilan raqibiga dahshatli zarba yo'llab, birinchi raunddayoq bahsni yakunlab qo'yadi.

6 - Frenk Mir

Frenk 2008 yilda Antoniu Rodrigu Nogeyrani mag'lub etganidan so'ng vaqtinchalik UFC chempionligini qo'lga kiritadi. Fedor va Mir jangi 2018 yilning 18 aprelda bo'lib o'tadi. Jang birinchi raundning 48-soniyasida Fedor raqibini texnik nokaut bilan mag'lub etadi.

Xorijiy saytlar asosida Nig'monxo'ja Nozimov tayyorladi