"FIFA o'zini kulgiga qoldirmoqda" - Lotar Matteus

"Jahon chempionati bizga ko'plab ajoyib o'yinlar va fantastik muhitni taqdim etdi, ammo hamma narsani kim rasvo qildi? FIFA va siyosat! Donald Tramp FIFAga qo'ng'iroq qilib, Folarin Balogunning diskvalifikaciyasini qayta ko'rib chiqishni so'raganiga iqror bo'ldi. Diskvalifikaciyani bekor qilish haqida qaror qabul qilib, FIFA o'ziga ham, futbolga ham yaxshilik qilgani yo'q. Aksincha! Balogunning Bosniya va Gercegovina bilan o'yindagi chetlatilishi mutlaqo aniq edi, buning ustiga qaror VAR'dan keyin qabul qilingandi. SHunga qaramay, diskvalifikaciya bekor qilindi. Bu shunchaki kulgili! Bu men futbolda ko'rgan eng dahshatli narsadir!

Men yangi turnirlar yoki yangi qoidalarga qarshi emasman. Reklamadan milliardlar ishlab olishga imkon beradigan uch daqiqali "suv ichish" tanaffuslari — bu normal holat. Biz shunday davrda yashayapmizki, ehtimol, futbolning o'zidan ko'ra qolgan hamma narsa muhimroq bo'lib qolgan. Ammo aniq ko'rinib turgan qizil kartochkaning bekor qilinishi — bu misli ko'rilmagan voqea! Bu sportga aralashishdir. Bundan qattiq xafaman. FIFAga qarshi hech qachon hech narsa demaganman, lekin hozir g'azabdaman. Ibora uchun uzur, lekin hozir ko'nglim ayniyapti! Nima uchun boshqa hech bir futbolchi shartli qizil kartochka olmadi? Qolgan hamma lozim bo'lganidek diskvalifikaciya qilindi.

Mezbon davlatlar yoki etakchi futbol mamlakatlaridan bo'lgan o'yinchilar himoya qilinib, kichikroq jamoalarning futbolchilari himoyasiz qolsa, bu endi halol o'yin (fair play) emas. FIFA o'zini kulgiga qoldirmoqda. U sportni oyoqosti qilyapti! Janni Infantinoga qarshi hech qanday adovatim yo'q. Mayli, Donald Trampga xohlasa 10 ta Tinchlik mukofotini topshirsin. Lekin gap aldov va manipulyaciyalarga kelganda — men bu erda chegara tortaman. FIFAning hozir qilayotgan ishi — bu mutlaqo bedodlik va futbol muxlislariga nisbatan xiyonatdir", — deya Matteusning so'zlarini keltiradi Sky Sports.