Fomin Alaminos-Larnaca turnirining 1/4 finaliga yo'l oldi

Xabar berganimizdek, hamyurtimiz Sergey Fomin Alaminos-Larnaca turnirining birinchi raqamli tennischisi sifatida saralandi. Mamlakatimizning birinchi raketkasi hozirgina yakuniga etgan 1/8 final uchrashuvida g'alabaga erishdi. 

Fomin 97 daqiqa davom etgan bahsda kiprlik Sergey Kiratzisni 6/2, 6/4 hisobida mag'lubiyatga uchratdi. Har ikkala tennischi ham 1 tadan eys zarbani ijro etgan. Qo'shxatolar Fominda 2, Kiratzisda 5 tani tashkil qildi. Sergey 3 ta breykni amalga oshirgan. 

Dunyoning 355-raketkasi bo'lib turgan tennischimizning bugungi va kechagi raqiblarining har ikkisi ham hali ATP reytingiga kiritilmagan. Endi hamyurtimiz yarim final yo'llanmasi uchun turnirning oltinchi raketkasi Adam Mundirga qarshi kortga chiqadi. ATP reytingida 725-pog'onada borayotgan marokashlik tennischi bugun 1/8 finalda bolgariyalik Gabriel Donevdan ustun keldi - 4/6, 6/4, 6/4.