12 iyu 17:53
Yangiliklar
Tennis
Fomin Padova turnirining 1/8 finaliga chiqdi
Italiyaning Padova shahrida tennis bo'yicha M25 toifasiga kiruvchi turnir davom etmoqda.
Ushbu musobaqada Sergey Fomin ham o'z mahoratini namoyish etyapti. Biroz avval turnirda 8-raqam ostida tasniflangan hamyurtimiz o'z ishtirokini g'alaba bilan boshlab oldi.
Mamlakatimizning ikkinchi raketkasi 1/16 finalda slovakiyalik Lukash Pokornini 6/4, 6/4 hisobida mag'lubiyatga uchratdi. Tennischilarning o'zaro ilk uchrashuvi 1 soatu 47 daqiqa davom etdi.
Taqqoslash uchun, Sergey Fomin dunyo reytingida 561, Lukash Pokorni esa 612-pog'onadan joy olgan. Tennischimizning 1/8 finaldagi raqibi bugun tunda o'tkaziladigan chililik Nikolas Bruna hamda italiyalik Luka Jiakomini uchrashuvidan so'ng malum bo'ladi.
Havola :
Manba : olamsport.com
Fikrlar