27 avg 12:36
Yangiliklar

Gandbol

FOTO Egizak hakamlarimiz jahon chempionatining 6 ta o'yinini boshqarishdi, navbat klublar o'rtasidagi JCHga!

Xabar berganimizdek, Xitoyda bo'lib o'tgan U-18 qizlar o'rtasidagi 10-Jahon chempionatida 25 yoshli xalqaro toifadagi hakamlarimiz - Hasan va Husan Ismoilovlar faoliyat yuritishdi.

Ular mundialning 6 ta uchrashuvini boshqarib, o'zbek gandboli, qolaversa, mutaxassislarining saviyasini namoyish etishdi.

Referilarimiz quyidagi uchrashuvlarda ishlashdi:

Guruh bosqichi. Niderlandiya – Janubiy Koreya - 24:19.

Guruh bosqichi. Misr – Ruminiya - 24:36.

Asosiy bosqich. Xitoy – Norvegiya - 24:27.

23-o'rin uchun. Nigeriya – Kosovo - 18:21.

17-20 o'rinlar uchun (yarim final). Avstriya – Argentina - 23:25.

7-o'rin uchun. Xorvatiya – Yaponiya - 30:29.

Endilikda aka-uka Hasan va Husan Ismoilovlar 27 sentyabr - 3 oktyabr kunlari Misrning Qohira shahrida bo'lib o'tadigan XVII erkaklar klublari o'rtasidagi Jahon chempionatida ishlashadi.

Dunyoning 9 ta eng kuchli klublari ishtirokidagi uchrashuvlarni boshqarishga Misr, Bosniya va Gercegovina, Daniya, Franciya, SHimoliy Makedoniya, CHernogoriya, Urugvay va O'zbekistondan jami 16 nafar hakam jalb etiladi.