FOTOGALEREYA: Poytaxtimizda 50 ming dollarlik Xalqaro turnir nihoyasiga etdi

Umumiy sovrin jamg'armasi 50 ming AQSH dollari bo'lgan bu nufuzli turnirda 10 ta xorij davlatlaridan 100 nafardan oshiq shaxmatchi ishtirok etdi. Reyting natijalariga ko'ra, “A” va “B” guruhlariga bo'lingan shaxmatchilar 9 tur davomida o'z mahoratlarini namoyon eta oldilar. Yakuniy natijalarga ko'ra, Valentina Gunina “A” guruhida peshqadam bo'ldi. Ushbu guruhning keyingi o'rinlarini Nilufar Yoqubboeva va Anastasiya Bodnaruk egalladi.

14 yoshgacha bo'lgan qizlar o'rtasida Nilufarxon Imomqo'zieva, 16 yoshgacha bo'lganlar o'rtasida Aliya Nurmanova, 20 yoshgacha bo'lganlar o'rtasida esa Zeynep Sultanbekova g'oliblik nashidasini surdi.

“B” guruhida g'olib va sovrindor bo'lganlar orasida hamyurtlarimiz Zilola Aktamova, Ozoda SHaxzodova, Malika Jumaeva, Sevinch Davlatova, Mumtozbegim Mansurova kabi shaxmatchilar bor.

I-Xalqaro turnirning g'olib va sovrindorlarini taqdirlash marosimida Xalqaro shaxmat federaciyasi masullari, Kambag'allikni qisqartirish va bandlik vazirligi mutasaddilari hamda shaxmat faxriylari, ommaviy axborot vositalari xodimlari ishtirok etdi. 

Marosim davomida  Osiyo shaxmat federaciyasining “Osiyoning eng yaxshi yoshlar terma jamoasi” sertifikati mamlakatimiz yoshlariga tantanali ravishda topshirildi.

Suratlar muallifi: Alimurod Madaminov, olamsport.com muhbiri