Fyuri Frensis Ngannuning g'alabasiga munosabat bildirdi, "Yirtqich" bunga javob qaytardi

"Frensis Ngannuni tabriklayman, lekin agar sen haqiqatdan ham pul ishlashni istasang, "Lo'lilar qiroli" bilan yuzma-yuz bo'lishing kerak”, - deb yozdi britaniyalik bokschi kamerunlik og'ir vaznli sportchiga ishora qilib.

"Yirtqich" bunga javoban UFC bilan amaldagi shartnomasi bo'yicha jang o'tkazmasligini va Fyuri bilan boks jangi uning uchun birinchi o'rinda ekanligini aytdi.

"Ngannu Fyuriga qarshi. 2022 yil ", - deb yozgan UFC chempioni.

Anaxaym shahrida o'tgan UFC 270 turniridagi g'alabadan so'ng Frensis Ngannu 600 000 AQSH dollarga ega bo'ldi, Tayson Fyuri esa Deontey Uaylder bilan bo'lgan so'nggi jangi uchun 30 million dollardan ko'proq gonorar olgan.

Siril Gan bilan jang Frensis Ngannuning UFC bilan amaldagi shartnomasi bo'yicha oxirgisi bo'ldi, ammo kamerunlik sportchi o'z unvonini himoya qilishga muvaffaq bo'lgani uchun shartnoma avtomatik ravishda bir yilga uzaytirildi. Turnirdan keyin o'tkazilgan matbuot anjumanida UFC chempioni agar tashkilot unga to'liq mos keladigan shartnoma taklif qilmasa, shartnoma muddati tugaguncha bo'sh o'tirishga tayyorligini aytdi.

Etiborlisi, UFC prezidenti Dana Uayt chempionlik kamarini Frensis Ngannuga topshirishdan bosh tortib, bu kamarni tashkilotning bosh matchmeykeri Mik Meynardga topshirgan va ananaviy matbuot anjumanini bekor qilib, arenani tark etgan.

Eslatib o'tamiz, avvalroq Tayson Fyuri Frensis Ngannuga qo'lqopda boks jangi o'tkazishni taklif qilgan va kamerunlik bu imkoniyatni UFC bilan yangi kelishuvning bandlaridan biri sifatida ko'rishni istayotganini ochiq aytgandi.