27 avg 09:18
Yangiliklar

Boks/MMA

Fyuri Ngannu va Uaylderning zarba kuchini solishtirdi

Og'ir vazn toifasida sobiq jahon chempioni Tayson Fyuri raqiblaridan kimning zarbasi kuchli degan savolga javob berdi.

Britaniyalik bokschi WBC yo'nalishida sobiq jahon chempioni, amerikalik 40 yoshli Deontey Uaylder hamda 39 yoshli mashhur MMA jangchisi, UFC sobiq chempioni Frensis Ngannuning zarba kuchini taqqosladi.

"Ngannu — kuchli, baquvvat yigit, lekin u Uaylder kabi zarba bera olmaydi. Ha, aslo", — dedi Fyuri Alf Global YouTube kanaliga bergan intervyusida.

Tayson Frensis Ngannu bilan 2023 yilning oktyabr oyida jang qilgan va uchinchi raundda nokaut evaziga g'alaba qozongan edi. Uaylder bilan esa trilogiya o'tkazgan: 2018 yil 1 dekabrdagi jang durang (111-115, 114-110, 113-113) bilan yakunlangan, 2020 yil 22 fevralda Tayson texnik nokaut, 2021 yil 9 oktyabrda esa nokaut bilan g'alaba qozongan.