Fyuri Ngannuning Usikdan farqini aytdi

Jang 28 oktyabr kuni Ar-Riyod (Saudiya Arabistoni) shahrida bo'lib o'tadi. Fyurining so'zlariga ko'ra, ukrainalik Aleksandr Usikdan ko'ra Ngannu bilan jang u uchun qiyinroq bo'ladi.

"O'ylaymanki, keyingi shanba kuni men bundan ham xavfliroq raqib bilan to'qnash kelishim kerak. Bu jang mutlaq chempionlik uchun kechadigan bahsdan ko'ra xavfliroq. Sababi, Frensis kattaroq, kuchliroq va bir zarba bilan nokaut qilish kuchiga ega. Guvohi bo'lganimizdek, aslida Aleksandr Usik raqiblariga unchalik zarar keltirmaydi. Usikni boshga urishiga yo'l qo'ysangiz bo'ladi, nari borsa ko'zingiz ko'karadi. Ammo Ngannuning boshga urishiga yo'l qo'ysangiz, u sizni kechirmaydi", - dedi Fyuri.