Fyurining murabbiyi: "Usik va Joshua jangining 30-soniyasidayoq kim g'olib bo'lishini bilgan edim"

Superog'ir vazn toifasida WBC yo'nalishi bo'yicha jahon chempioni Tayson Fyurining (31-0-1, 22 KO) murabbiyi SHugar Xill Styuard WBA, WBO, IBO va IBF kamarlari egasi Aleksandr Usik (19-0, 13 KO) va Entoni Joshua (24-2, 22 KO) o'rtasidagi jang bo'yicha fikrlari bilan o'rtoqlashdi.

Nufuzli mutaxassisning so'zlariga ko'ra, u jangni to'liq ko'rmagan, faqatgina bir qismini tomosha qilgan.

"Men Usik va Joshua jangini ko'rmadim. Biz Tayson bilan mashg'ulotlar lagerida edik. O'sha paytda, ular jang qilayotganda, men ko'chada barbekyu tayyorlayotgan edim. 

Men jang natijasidan hayron qolmadim. Men bahsni 30 soniya tomosha qildim va bo'ldi. Men shunchaki his qildim. Tomosha qilishni xohlamadim. 30 soniya va men tomosha qilmasligimni tushundim".

Styuard jang natijasini darxol bilganini tushuntirdi.

"Mendan nega bunday yo'l tutganimni so'rashdi. Men shunchaki natija qanday bo'lishini bilardim. Jang yaxshi bo'lmadi, xuddi shu yo'nalishda ketdi, eshitganimdek, hech narsa o'zgarmadi. Men ko'chaga chiqdim va mazali barbekyu, qovurg'a va steyk tayyorladim. Grilda yaxshi vaqt o'tkazdim", — dedi murabbiy.

Eslatib o'tamiz, Usik Joshuani hakamlarning umumiy qaroriga ko'ra mag'lub etgan edi. Bokschilar o'rtasidagi revansh jangi 2022 yilning birinchi yarmida bo'lishi mumkin.

Diyor Mavlonov tayyorladi