20 dek 13:50
Yangiliklar

Boks/MMA

G'alaba yaqinmi? Bogdan Guskovning UFC'dagi ikkinchi raqibi, jang sanasi va manzili elon qilindi

Teglar : Bogdan Guskov

Yarim og'ir vazn toifasida o'zbekistonlik UFC jangchisi Bogdan Guskov ligadagi ikkinchi jangini qachon va qaerda o'tkazishi, shuningdek, raqibi nomi malum bo'ldi.

Hamyurtimiz 2024 yil 10 fevral kuni Las-Vegasda (AQSH) tashkil etiladigan UFC Vegas 86 turnirida jang qiladi. Guskovga o'sha kuni amerikalik Zak Pauga raqiblik qiladi.

31 yoshli Bogdan Guskov faoliyati davomida 17 ta jang o'tkazib, ularning 14 tasida g'alaba qozongan, 3 ta jangda imkoniyatni boy bergan. U UFC'da bitta jang o'tkazgan. Volkan Ozdemirga qarshi kechgan debyut jangida Bogdan ilk raundda mag'lubiyatga uchragan edi.

35 yoshli Zak Pauga esa karerasida 8 ta jang o'tkazgan. Uning hisobida 6 g'alaba va 2 mag'lubiyat mavjud. UFC'da 3 ta jang o'tkazib, bitta g'alaba va ikkita mag'lubiyat qayd etgan.