Geynish va CHigirev uchun katta imkoniyat: Qishki Olimpiadaga yo'llanma beruvchi turnir sanasi va manzili elon qilindi

Kvalifikacion turnir 2025 yilning 17-21 sentyabr kunlari Xitoyning Pekin shahrida o'tkaziladi. Bu haqdagi qaror tashkilotning 11 dekabr kuni o'tkazilgan Kengashida qabul qilingan.

Musobaqada figurali uchishning sport juftligi yo'nalishida O'zbekiston terma jamoasi azolari Ekaterina Geynish hamda Dmitriy CHigirev ham ishtirok etishi mumkin.

Malumot o'rnida, Milan va Kortina-2026 XXV qishki Olimpiya o'yinlari 2026 yilning 6-22 fevral kunlari o'tkaziladi.

SHuningdek, ISU keyingi mavsumdan boshlab, Gran-pri bosqichlarining o'tkazilish tartiblari quyidagicha o'zgartirilishini elon qildi:

1. Skate America

2. Cup of China

3. Skate Canada

4. NHK Trophy

5. Grand Prix de France

6. Finlandia Trophy.

Eslatib o'tamiz, Ekaterina Geynish va Dmitriy CHigirev joriy yilgi mavsum davomida oktyabr oyi oxirida Kanada Gran-pri bosqichida qatnashdi. Ular umumiy 189,65 ball jamg'argan holda o'zlarining eng yaxshi natijalarini qayd etib, kumush medalga ega chiqishdi. SHundan so'ng, sportchilarimiz Franciyaning Anje shahrida tashkil etilgan bosqichda ishtirok etib, 161.99 ball jamg'arishgandi.

Malumot uchun, Ekaterina va Dmitriy juftligi ayni paytda jahon reytingida 38, mavsum reytingida esa 12-o'rinni egallab turibdi.