"GGG haliyam o'zining yuqori sport formasida". Xirn Golovkin va uning Kanelo bilan jangi haqida gapirdi

Matchroom Boxing promouterlik kompaniyasi rahbari Eddi Xirn "Behind Gloves" You Tube kanaliga bergan intervyusida mijozlaridan biri, IBF va IBO yo'nalishlari bo'yicha jahon chempioni Gennadiy Golovkinning rejalari va meksikalik Saul Alvares bilan uchinchi jangi haqida gapirdi.

"Kanelo"ning 2021 yildagi maqsadi barcha kamarlarni yutib, mutlaq champion bo'lish. Menimcha, u Golovkin bilan jangdan qochmoqda. Saul hamma bilan ringga chiqadi, lekin u menga o'z rejalarini aniq tushuntirib berdi. "Kanelo" o'z vaznidagi chempionlar bilan jang qilishni istaydi. Golovkin jamoasidagi rolim Alvares jamoasidagi rolimdan biroz farq qiladi. Golovkin uchun tadbirlarni tashkil etish, logistika masalalari bilan shug'ullanaman. Bizning munosabatlarimiz yaxshi, ammo men GGG uchun strategiya rejalashtirish bilan shug'ullanmayman. Men ham shu kabi ishlarda ishtirok etishni istayman, bu juda katta foyda bo'lar edi, lekin Gennadiyning o'z qarashlari bor va men u uchun ishlaydigan odamlarni hurmat qilaman.

Kaneloga qarshi kurash bo'lishi mumkin. Nazarimda, GGG hali ham eng yuqori cho'qqisida, ehtimol uning davri oxirlab qolgandir. Lekin, u hozir katta janglar uchun harakat qilishi lozim. Menga Mungiya, Murata, Kris Yubenk bilan janglar yoqadi. Golovkin global yulduz. Dunyo bo'ylab GGGni bilishadi. Biz u bu erda yorqin yulduz ekanligini bilamiz, biroq Gennadiy London, Yaponiya, SHarqiy Evropa va Qozog'istonda ham katta mavqega ega. Fikrimcha unga iloji boricha tezroq reja kerak va bunda "Kanelo" mavjud emas. Lekin jang may oyida ham, sentyabrda ham bo'lmaydi”, - dedi Xirn.