20 may 09:06
Yangiliklar

Dzyudo

G'olib sportchilar munosib kutib olindi + FOTO

Xabaringiz bor, yaqinda Qozog'istonning Olmaota shahrida dzyudo bo'yicha o'smirlar va yoshlar o'rtasida Osiyo ochiq kubogi bellashuvlari bo'lib o'tdi.

Mazkur Osiyo ochiq kubogida muvaffaqiyatli ishtirok etgan yosh dzyudochilarimiz yakunda 39 ta medalni qo'lga kiritishdi.

Quvonarlisi, terma jamoa tarkibida Qarshi olimpiya zaxiralari kollejida tahsil olayotgan o'quvchilar ham ushbu musobaqada ishtirok etib, kuchlilar qatoridan joy olishga erishdi.

+70 kg. vazn toifasida Mohinur Parmonova hamda + 48 kg.da Muhayo Ahmatovalar barcha raqiblarini engib, oltin medal sohibalariga aylanishgan bo'lsa, +90 kg.da SHerdor Rahmatov ikkinchi o'rin bilan kumush medalni o'ziniki qildi.

Uch nafar kollej o'quvchilarining erishilgan yuqori natijalari bois, g'olib sportchilar tantanali kutib olinib, Qashqadaryo viloyati Turizm va sport bosh boshqarmasi, Qarshi olimpiya zaxiralari kolleji rahbariyati, trenerlar va o'quvchilar, sportchilarning ota-onalari, yaqinlar tomonidan alohida etirof etilib, ularga gullar va esdalik sovg'alari ulashildi.