20 mar 12:20
Yangiliklar

Karate

Gollandiyada oltin medalni qo'lga kiritgan sportchimiz reytingda 1-o'ringa chiqib oldi

Kecha karatechimiz Sadriddin Saymatovning Rotterdam turniri g'olibiga aylangani haqida xabar berib o'tgan edik.

Ushbu muvaffaqiyatli ishtirokdan so'ng Sadriddin -60 kg vazn toifasi reytingida birinchi o'rniga ko'tarilib oldi. Uning hisobida ayni paytda 825 ochko bor.

Undan keyingi o'rinlarni esa Malayziya va turkiyalik sportchilar egallab turishibdi.

Eslatib o'tamiz, Saymatov bu yil hisobidan ikkinchi sovrinini qo'lga kiritdi. U yanvar oyida Parijda bo'lib o'tgan Karate1 Premier League turkumidagi turnir g'olibiga aylangandi.