Goygol Cadet European Cup turnirining ilk kunidayoq 2 ta medal qo'lga kiritdik, 1 tasi oltin!

Dunyoning 14 davlatidan 323 nafar dzyudochi qatnashayotgan ushbu turnirda Tohir Fayziev murabbiyligidagi kadetlarimiz yurtimiz sharafini himoya qilishyapti. Musobaqaning ilk kuni ikki dzyudochimiz medallar uchun bahs olib bordi. Ulardan Bahrom Asatov (-60 kg) barcha raqiblarini engib, chempionlik shohsupasiga ko'tarildi. SHodiyor SHavkatov (-50 kg) esa bronza medaliga sazovor bo'ldi.  

-50 kg vaznda yurtimiz sharafini himoya qilgan SHodiyor SHavkatov ilk davrada mezbonlar vakili Ibrohim Rezazadeni mag'lub etdi. CHorak finalda neytral maqomda kurashgan Nart Naguchevga yutqazib qo'ydi. Bronza medali yo'lidagi o'tish bellashuvlarida gruziyalik Borisi CHaduneli hamda ozarbayjonlik Ali Azimlidan ustun keldi. Bronza medali uchun kechgan bahsda esa franciyalik Aksel Kukni mag'lubiyatga uchratdi. 

-60 kg vazndagi dzyudochimiz Bahrom Asatov birinchi davrada gruziyalik Tsotne Ichkitidze, ikkinchi bosqichda sloveniyalik Gal Blazich, 1/4 finalda ozarbayjonlik Mirhalig Iskandarov, 1/2 finalda gruziyalik Gigi Kekviashvili, finalda esa ozarbayjonlik Farid Garaevni mag'lub eta oldi.