Gran Prix Zagreb Open. Islom Bahromov va Jasurbek Ortiqboev oltin uchun gilamga chiqadi

Dunyoning o'ttizga yaqin davlatidan yunon-rum kurashi ustalari ishtirok etayotgan musobaqada yurtimiz sport sharafini Ravshan Ro'ziqulov murabbiyligidagi polvonlarimiz himoya qilyapti. Kecha o'tkazilgan saralash bellashuvlaridan so'ng medallar uchun gilamga chiqadigan kurashchilar nomi malum bo'ldi.   

Quvonarlisi, bugun final bosqich bahslarida terma jamoamizning besh nafar azosi Zagreb Gran-Pri turniri medallari uchun gilamga chiqadi. -60 kg vazn toifasidagi kurashchimiz, Osiyo chempioni Islom Bahromov finalda turkiyalik Axmet Uyarga qarshi bahs olib boradi. 

-55 kg vazndagi vakilimiz Jasurbek Ortiqboev germaniyalik Fabian SHmittga qarshi gilamga chiqadi. Agar u g'alaba qozonsa, oltin medalni qo'lga kiritadi. SHu vazndagi yana bir kurashchimiz Ilhom Bahromov italiyalik Jiovanni Frenini yutgan taqdirda kumush medalga ega chiqadi. Bu vaznda ishtirokchilar soni kam bo'lgani bois, bellashuvlar aylana tizimda o'tkazildi. 

Feruz To'xtaev, Mirzobek Rahmatov va Aram Vardanyan esa Zagreb Gran-Prisining bronza medallari uchun gilamga chiqishadi. Birgina Rahmatov o'tish bellashuvida ishtirok etadi. Uning raqibi italiyalik Franchesko Bellino bo'ladi. Ushbu juftlik g'olibi bronza medali uchun moldovalik Doniyor Islamovga qarshi bahs olib boradi. 

Oltin medal uchun

-60 kg: Islomjon Bahromov (O'zbekiston) – Axmet Uyar (Turkiya) 

-55 kg: Jasurbek Ortiqboev (O'zbekiston) – Fabian SHmitt (Germaniya)

Bronza medal uchun

-60 kg: Feruz To'xtaev (O'zbekiston) – Aleksander Bisa (SHveciya)/Micha Trash (Polsha)

-67 kg: Doniyor Islamov (Moldova) – Mirzobek Rahmatov (O'zbekiston)/Franchesko Bellino (Italiya)

-72 kg: Aram Vardanyan (O'zbekiston) – Mikko Peltokangas (Finlyandiya)