Gulnoza va Diyora Isroilga jo'nab ketdi

Ushbu safardan ko'zlangan maqsad - Isroil terma jamoasi azolari bilan o'tkaziladigan qo'shma o'quv-mashg'ulot yig'inida ishtirok etish. Dzyudochilarimiz bilan birga murabbiy Sardor Niyazmetov ham Isroil davlatiga yo'l oldi. 

Isroildagi o'quv-mashg'ulot yig'ini 12 kunga mo'ljallangan. Kadetlar o'rtasida jahon, kattalarda Osiyo chempioni Diyora Keldiyorova, o'tgan yilgi Toshkent Gran-prisining kumush medali sohibasi, Osiyo chempionati sovrindori Gulnoza Matniyazova Tokio-2020 Olimpiadasi yo'llanmalari uchun davogarlik qilmoqda. 

Qizlarimiz Evropa mamlakatidagi mashg'ulotlar orqali yanvar oyida Qatarda o'tkaziladigan 2021 yilning ilk musobaqasiga tayyorgarlik ko'rishadi.