Gulsanam Alijonova: "Oltin medalimni onamga bag'ishlayman"

Unda -73kg vazn toifasida Gulsanam Alijonova barcha raqibalaridan ustun kelib chempionlikka erishdi. O'zbekiston taekvondo WT associaciyasi matbuot xizmati Gulsanam Alijonova bilan intervyu tashkil etdi.

- Gulsanam, avvalo chempionlik muborak bo'lsin! O'zbekiston chempionatiga tayyorgarlik qanday kechdi?
- Tabrik va etibor uchun katta rahmat. Tayyorgarlik alo darajada o'tdi. Menga yordam bergan murabbiylar va milliy terma jamoamiz azolariga rahmat aytaman. Ularning tajribasi musobaqa davomida menga shubhasiz yordam berdi.

- Birinchi marta mamlakat chempioni bo'ldingiz. Oltin medalni qabul qilib olganda ichingizda qanday hissiyotlar o'tdi?
- 2018 yilgi mamlakat chempionatida sovrindor bo'lgandim, Yaratganga shukur bu yil O'zbekiston chempioni bo'ldim. 2018 yil taekvondoga kirib kelganimda chempionlarimizning erishgan yutuqlarini ko'rib ularga havas qilardim. Ushbu oltin medalimni onamga bag'ishlayman, sababi chempion bo'lishimda ularning o'rni beqiyos.

- O'zbekiston chempionati tashkilotchiligi haqida qanday fikrdasiz?
- Barchasi alo darajada o'tdi. Xalqaro musobaqalarga borgan taekvondochilarning aytishicha tashkilotchilik saviyasi aynan o'sha musobaqalardek ekan. Sportga alohida etibor qaratayotgan yurtboshimizga, O'zbekiston taekvondo WT associaciyasi rahbari SHerzod Rihsiboevichga minnatdorchilik bildiraman.

- Taekvondodagi birinchi murabbiyingiz kim bo'lgani o'quvchilarimiz uchun qiziq...
- Birinchi murabbiylarim Xolmurod va Mamurjon Nozimovlar. Ularga ham shu o'rinda minnatdorchilik bildiraman.

- Sportdagi eng oliy orzuingiz qaysi?
- 2024 yil Parijda bo'ladigan yozgi Olimpiya o'yinlarida ishtirok etish va oltin medalni qo'lga kiritish!

O'zbekiston taekvondo WT Associaciyasi matbuot xizmati