Hakamlar "xarom" qilgan Olimpiada. Xushini yo'qotgan karatechi Olimpiada chempioni bo'ldi

Xususan, hakamlar Yaponiya milliy sport turi bo'lgani uchun ilk bor Olimpiada dasturiga kiritilgan karate musobaqasida ham "kalla" qo'yishdi.

Karate-kumite musobaqasining +75 kilogramm vazn toifasi chempionlik taqdirini aynan hakamlarning qarori hal qildi. Final bahsi boshlanishidan bir daqiqa o'tib, saudiyalik Tareg Xamedi 4-1 hisobida oldinda borayotgandi. Aynan shu vaziyatda u eronlik Sajadu Gyanjzadaning boshiga oyoqda zarba berdi va raqibini nokautga uchratdi. 

Xamedi g'alabasini tantana qilishga chog'langan bir pallada hakamlar katta sahnaga chiqishdi. SHifokorlar xushsiz yotgan Gyanjzadani kislorod yordamida zambilda zaldan olib chiqib ketishdi. Hakamlar esa uzoq davom etgan maslahatlashuvdan so'ng Sajad Gyanjzadani +75 kg vaznda birinchi Olimpiada chempioni deb elon qilishdi. Ularning fikricha, Tarega Xamedi raqibiga taqiqlangan zarba yo'llagan. Bu esa uning diskvalifikaciyasini taminladi. 

Hakamlarning qarorini eshitgan Xamedi tatamini ko'zida alam yoshi bilan tark etdi. Xushiga kelgan Gyanjzada esa Olimpiada chempioni bo'lganini eshitib, ko'zlariga ishonmadi.  

"Olimpiadaning oltin medalini qo'lga kiritganimdan xursandman. Lekin aynan bu yo'l bilan chempion bo'lganimdan xafaman", - degan Gyanjzada finaldan keyingi matbuot anjumanida.