Hamyurtimiz 13 soniyada chempion bo'lgan Yangi yilgi Rizin turnirining barcha natijalari bitta sahifada

Oqshomning asosiy jangida qirg'izistonlik Rajabali SHaydullaev yarim engil vazn toifasidagi Rizin chempionlik kamarini o'zida saqlab qoldi. U yaponiyalik MMA yulduzi Mikuru Asakuraga hech qanday imkoniyat qoldirmadi. SHaydullaev uch daqiqadan kamroq vaqt ichida raqibini parterda, zarbalar yomg'iri natijasida mag'lubiyatga uchratdi.

Turnirning co-main event jangida kutilmagan natija qayd etildi. Safdan chiqqan raqib o'rnini zaxira varianti sifatida to'ldirgan hamyurtimiz Ilhom Nazimov braziliyalik chempion Roberto Satoshi de Souzani jangning 13-soniyasidayoq tizza zarbasi bilan chuqur nokautga uchratdi va engil vazn toifasida Rizin chempioniga aylandi. Souza esa o'zining oltinchi chempionlik himoyasida dahshatli nokautni qabul qilib oldi. 

Kechaning muhimligi jihatidan uchinchi jangida yaponiyalik Xiromasa Ogikubo eng engil vazn toifasida vakant bo'lgan chempionlik kamarini qo'lga kiritdi. U uch raund yakuniga ko'ra hamyurti Yuki Motoyyani hakamlarning yakdil qarori bilan mag'lub etdi.

Yangi yil kardining to'rtinchi chempionlik jangi engil vaznda Denni Sabatello va Naoki Inoue o'rtasidagi qarama-qarshilik bo'lib, unda amerikalik aralash yakkakurash ustasi hakamlarning ayri qarori bilan g'alaba qozondi va chempion bo'ldi.

Rizin Yangi yil turnirining barcha natijalari:

Rajabali SHaydullaev Mikura Asakurani texnik nokautga uchratdi (zarba) – 1-raund, 2:54

Ilhom Nazimov Roberto Satoshi de Souza nokautga uchratdi (tizza zarbasi) – 1-raund, 0:13

Xiromasa Ogikubo Yuki Motoyyani hakamlar qaroriga ko'ra engdi

Denni Sabatello Naoki Inoueni hakamlarning ayri (2:1) qarori bilan yutdi

Seyka Izava Rina Kubotani sabmishn (gilotina) evaziga mag'lub etdi – 2-raund, 1:58

Kleber Koyk Erbst Vugar Karamovni hakamlarning yakdil qarori evaziga mag'lubiyatga uchratdi

Raya Fukuda Tacuya Andoni nokautga (zarba) uchratdi – 2-raund, 3:02

Kioma Akimoto Sugara Niini nokaut (tanaga tizza zarbasi) qildi – 1-raund, 3:45

Karshiga Dautbek - Yuta Kubo jangi ko'z qismiga barmoq suqulishi natijasida o'tkazilmagan deb topildi  – 1-raund, 3:15

Makoto Takaxashi Xiroya Kondoni hakamlarning yakdil qarori evaziga engdi

Yoji Goto Xose Torresni hakamlarning ayri qarori bilan mag'lub etdi

Tacuki SHinocuka Daichi Tomizava nokautga (zarba) uchratdi – 2-raund, 3:22

Tacuya Seyga Noa Beyni nokaut (boshga oyoqda zarba) qildi – 2-raund, 0:32

Ryoma SHishimoto Ryusey Ashizava sabmishn (tirsak) evaziga mag'lubiyatga uchratdi – 1-raund, 0:25

Enco Massami Iamazato Yuri Sudani texnik sabmishn (tirsak) bilan yutdi – 1-raund, 3:15