03 jan 15:25
Yangiliklar

Boks/MMA

Hamyurtimiz Firdavs Hasanov jangga chorlagan qozog'istonlik Azat Maksumga UFC yangi raqib berdi

Xabar berganimizdek, 4 fevral kuni Las-Vegas (AQSH) shahrida navbatdagi UFC Fight Night turniri o'tkaziladi.

Ushbu musobaqa doirasida qozog'istonlik aralash yakka kurash ustasi Azat Maksum amerikalik Neyt Maness bilan jang qilishi kerak edi, biroq Maness jarohat sabab jangda ishtirok eta olmaydigan bo'ldi. Ushbu vaziyatda o'zbekistonlik Firdavs Hasanov zahira varianti sifatida o'zini UFC'ga taklif qildi. Biroq UFC Maksumga liganing o'zidan raqib topdi.

Endilikda Azat Maksum 4 fevral kuni amerikalik boshqa bir jangchi - CHarlz Jonsonga qarshi oktagonga chiqadi.

Ahamiyatlisi, musobaqada o'rta vazn toifasida o'zbekistonlik UFC jangchisi Mahmud Muradov rossiyalik Aliasxab Xizrievga qarshi jang qiladi.