Hasanboy Do'smatov 12 raundga tayyorligi, chempionlik jangi, Osiyo o'yinlari va boshqa mavzular haqida gapirdi

"Ushbu jangni uzoq vaqtdan beri kutgandim. O'zbekistonda yurtoshlarimizga xursandchilik ulashishni maqsad qilgandim, shukr ikkinchi marta bu niyatimga erishdim.  Bunga sharoit yaratib bergan barchaga rahmat aytaman. 

Agar jarohati bo'lmaganida jangni to'liq o'tkazishga kuchi etardi. U tajribali raqib. Mag'lub bo'lgan raqiblari ro'yxatiga nazar tashlasak ham, ular kuchli bokschilar edi. 

Menejerlarim keyingi jangimni jahon chempionligi kamari uchun tashkil etishni vada qilishgan. Buni judayam kutyapman. 12 raundlik jangga tayyorman. Umid qilamanki, keyingi jangim chempionlik uchun bo'ladi. Biroq bu faqat o'zimga bog'liq emas. Tailandlik raqibim rozi bo'lsa, mart-aprel oyiga qadar ko'p narsaga oydinlik kiritiladi.

Havaskor boks? Jahon chempionatiga yaxshi tayyorgarlik ko'rgandik, ammo nasib qilmagan ekan. Peshonada yozilgani bo'ladi. Oldinda Osiyo o'yinlari ham turibdi. SHuningdek, Toshkent mezbonlik qiladigan jahon chempionati ham bor. Agar prof boksda chempionlik kamarini qo'lga kiritsam, Osiyo o'yinlari va jahon chempionatlarida ishtirok eta olmayman",-dedi Hasanboy Do'smatov.